Ніякае багацце людзей
не бывае даражэйшым
за іх родную мову.
(Я.Колас)
“Яно добра, а нават і трэба знаць суседскую мову, але найперш трэба знаць сваю”. Такімі словамі Францішка Багушэвіча пачалася гадзіна роднай мовы “Вандроўка да роднага слова”, прысвечаная Дню роднай мовы, які адзначаецца штогод 21 лютага.
На працягу гадзіны ўдзельнікі чыталі вершы аб роднай мове, адказвалі на пытанні віктарыны, удзельнічалі ў конкурсах “Скончы прыказку”, “Адгадай і пакажы”, гулялі ў гульні “Жывы – не жывы”, “Літара заблудзілася”.
Мэтай дадзенага мерапрыемства з'яўляецца папулярызацыя роднай мовы.
Усе чытачы, якія наведалі бібліятэку, пазнаёміліся з выставай "Роднага слова крыніца празрыстая".